Äntlich isches sowiit gsii, de ersti schueltag z’Singapore. Eusi vier hübsche händ sich id schueluniform gschtürzt (und fürs foti sogar d maske abzoge) und mer händ eus uf de wäg gmacht.
Mitem bus sinds nume es paar statione und scho isch mer bide OWIS (One World International School) – dank Corona hät mer natürlich mit abstand und aastah möse warte bis dass mer hät chöne ine zum d chind abgäh, die sind dänn aber tifig vom personal gschnappet worde und i di richtige klasse begleitet worde. Und dSimi und ich sind eus en richtige kafi goge gönne… 🙂
Kantine
De start isch bi allne usserd de Gry schlussendlich nanig eso guet verloffe wie mer sich das gwünscht hetti. Bide beide grosse schiint sich d’sach z’bessere, bim Lau simmer eus nanig sicher öb er inere z’höche klass glandet isch. Mal luege…