Use hütig Usflug hat eus zur Bukit Timah Railway Station gfüehrt. Vo deht us cha mer de Schiene vo de alte Zugverbindung vo Singapur nach Malaysia na laufe. Mängisch gseht mer no die alte Gleis, aber en grosse Teil vom Weg isch es en Chieswäg mit links und rächts Bäum und vill grüen. Es hät …
Hüt isch de 4.9.2021 und 09:00 uhr am Morge ich isse Zmorge so das s Mami und ich nachher zäme is Judo ga chönd . Hüt gang ich ebe s erschte mal is Judo. Ich han mine chline Gschwüschterte gern zuegluegt und zueglosed wens vom Judo hei cho sind .Also hend si mich eigentlich dezue …
Äntlich isches sowiit gsii, de ersti schueltag z’Singapore. Eusi vier hübsche händ sich id schueluniform gschtürzt (und fürs foti sogar d maske abzoge) und mer händ eus uf de wäg gmacht. Mitem bus sinds nume es paar statione und scho isch mer bide OWIS (One World International School) – dank Corona hät mer natürlich mit …
Me chan nöd id trope gah und nie an strand – under de wuche hämmer immer öppis z’tue gha (ich z.B. schaffe), und au es wätter isch nöd eso guet gsii. Aber am vergangene wuchenänd hämmers dänn doch gschafft. Mer händ in letschter sekunde na usegfunde, dass mer für Sentosa mues de strandabschnitt und -ziit …
Mäntig bis mittwuch hämmer demit verbracht überhaupt emal usezfinde was wo isch und halbwegs iigrichtet z’sii (es schiff isch immer nanig entlade, mir ässed also immer na mit plastikbschteck 🙁 ). Am dunnschtig händ dGry und de Lau welle im judo goge schnuppere, drum hämmer grad en familie-uusflug gmacht in Bukit Batok Nature Park: Mer …
Endlich, nachdem euse test vom Samschtig morge negativ zruggcho isch simmer ud freiheit entlah worde. Sozsäge Day 0 zSingapur. Mitem minibüssli simmer zu eusere wohnig gfahre und händ natürli grad möse de pool teste… Znacht hämmer dänn vom take away gholt well mer ja na kei chuchi-sache händ. Eusi wohnig isch zwar im 10. stock, …
Das isch also na cool gmacht: Mer chan sich binere WhatsApp gruppe amälde, und dänn chunnt me jede tag di wichtischte infos über, z.B. de impfstatus: Übrigens, mer törfed morn morge am halbi 9ni goge euse corona-test mache: Wänn dä negativ isch, dänn simmer am sunntig frei! Für das mönds eus zumene testzentrum fahre wo …
Am vergangene mäntig isch Singapur 56 jahr alt worde – vorher isches en teil vo Malaysia gsii. Siehe au Wikipedia. Wäge Covid isch aber es füürwerk uf de 21. august verschobe worde (was au guet isch, well dänn simmer dusse!). Immerhin hämmer chli plane- und helispotting chöne mache:
Damit d Tag i de Quarantäne sich nöd allzu fescht id längi ziend, hämmer scho im vorus, (also no i de CH) für Beschäftigung gsorget. Das heisst mir händ en grosse Teil vo eusem Gepäck mit Spiel- und Bastelsache und Bücher gfüllt. Bi eus im Zimmer isch natürlich s iPad höch im Kurs. (Mental Gesundheit …
Ab jetzt besserets – mir händ quarantänehalbziit! Das hämmer natürlich möse fiire, mit emene familieznacht (wänn au nume virtuell über FaceTime) und Pizza & McDonalds! Mer merked aber langsam scho dases afangt nerve – d chind sind eifach nöd defür gmacht zum immer nume umesitze und d’grätli sind halt nume beschränkt luschtig. Mer hoffed jetzt, …