Mäntig bis mittwuch hämmer demit verbracht überhaupt emal usezfinde was wo isch und halbwegs iigrichtet z’sii (es schiff isch immer nanig entlade, mir ässed also immer na mit plastikbschteck 🙁 ). Am dunnschtig händ dGry und de Lau welle im judo goge schnuppere, drum hämmer grad en familie-uusflug gmacht in Bukit Batok Nature Park:
Mer händ bi eus chöne in bus (doppelstock!!!) iistiige und durefahre und händ dänn det en namitag ide natur verbracht. Es isch na erstuunlich gsii wies plötzlich ganz ruhig worde isch und mer “in the middle of nowhere gsii isch”. D chind händ dänn glii aagfange im sand baschtle und händ sogar e eidächse (ca 1m lang) entdeckt – isch also super gsii!
Am spötere namitag simmer dänn wiitergange – dSimi isch mit de Gry und em Lau is judo (“es isch im fall mega cool gsii”), dAndreina und dMalin sind mit mir hei damit ich han chöne goge schaffe. Isch also wahrschinli nöd es letschte mal gsii dass mer det hii sind. Und übrigens, doppelstockbus-fahre isch supi!
