Me chan nöd id trope gah und nie an strand – under de wuche hämmer immer öppis z’tue gha (ich z.B. schaffe), und au es wätter isch nöd eso guet gsii. Aber am vergangene wuchenänd hämmers dänn doch gschafft. Mer händ in letschter sekunde na usegfunde, dass mer für Sentosa mues de strandabschnitt und -ziit im voruus reserviere. Das isch eus aber chli z’blöd gsii, grad au wells wätter immer nanig eso guet gsii isch (eso würkli strahlend schöni täg hämmer glaubs na sälte gha). Dänn simmer halt an East Coast Park gange:
Z’allererst hämmer en wasser-ski-lift gseh:
Aber dänn isch dänn gliich emal na de strand cho – nöd eso wie me sichs vorstellt im feriekatalog aber immerhin meer und (mini-)wälle und sand.
Grad hinderem strand häts dänn en “hawkers centre / food court” wo mer sich hetti chöne super verpflege – LEIDER hämmer aber sälber z’ässe debii gha. Halt es nöchschte mal… Mer händs dänn na suuber vor em räge wieder in bus gschafft und sind müed aber glücklich dihei aacho.