Wie chönts au andersch sii – d familie Schäpper haltets nie lang uus ohni handball. D Simi hät über Facebook vo de Singapore Handball Academy erfahre, das isch en chliine verein tribe vo zwei franzose wo au handball suchtis sind.
Mit de jetzige corona massnahme törfed nume gimpfti chind (sprich über 12i) i 5er grüppli trainiere. Drum isch im moment nume dAndreina debii. Und natürlich häts au mir wieder de ärmel inegnah als trainer…
Mer trainiered im illustre Swiss Club wo gräd näbed de Swiss School zmitzt im wald versteckt isch. Näbed de halle (mit air condition) häts au na en pool und es resti und tennis plätz und und und.
Jedefalls simmer jetzt 1x ide wuche det zum handbällele, e gmischti gruppe us F, CH, DE, DK und au SIN. Dänn vergässedmer wänigschtens nöd es gfühl vom ball ide finger…
