Am wuchenend simmer 1.20 stund gfahre zum in berüemte wasserpark wild wild wet z gah.
wommer denn endlich döte aacho sind hends eus eusi däsche durchsuecht und mer hend eus müesse i zwei gruppe splitte. d malin, de papi und ich i einere gruppe und de rest i de andere. und denn isch de spass losgange. es sind sich alli grad e matte goge schnappe und sind d stege zu enere rutschi ufeglofe. es isch sone langi welle und race rutschbahn gsii. en guete start. und denn isches zu de wildere rutschene gange. mini gruppe isch uf die anderi siite vom park gloffe und hend eus für e cooli wilde und nervwrakingli rutschi aagstande. die isch mega cool gsii aber d, malin hetts e chli zwild gfunde, drum simmer denn für die lazy river aagstande damit d malin ihres herz wieder hett chöne as richtige ort versorge. natürlich hett mer coronagmäss überall müesse aastaa. nach enere entspannende rundi im fluss sind d malin und iich nomal uf die wildi rutschi gange. nacher sind de papi und ich uf e ganz wildi gange wo meeeega cool gsii isch. de papi isch so en schisshaas gsii und drum hani müesse hinderschii sitze ;-))
nei, aber hinderschi sitze isch halt scho eifach cooler. d malin und iich hend sogar e wett gege en lifeguard gunne. er hett eus en dollar je gwettet wen mer hend chöne ohni schreie die wildie bahn, wo übrigens royal flush gheisse hett, abe rutsche.
mir hends gschafft. + 1 dollar 😉
und am schluss hett de torpedo no uufgmacht. dasisch esonä rutschi wo du uf e klappe in e röhre stahsch und denn gaht d klappe uuf und mer flügt vertikal abe. d gry und ich hend beidi uf die welle und für d gry weris s erste mal gsii. sie isch ganz knapp gnueg gross gsii und hett probiert abezrutsche. sie hett aber angst gah und hett mer zwei mal zuegluegt bim aberutsche. de badmeister isch mega nett gsii und hett mega vill geduld gha mit ihre. und die wenige lüüt wo det obe gsii sind hend ihre zuegruefe und ihre gfaned. immer woni abegrutscht bin dass d gry chan zueluege bini nachher die 7 millione stäge wieder ufegsecklet will ich nid d moment wo ie aberutscht han welle verpasse. wo sie sich denn endlich getraut hett zum rutsche isch sie id röhre gstande und hett den grad wieder use welle, aber de badmeister hett eifach de start chnopf druckt will er genau gwüsst hett das sies wird bereue wenn sies nid macht. d gry hett nacher grad nomal welle gah aber de park hett zue gmacht.
und so isch eue cooli tag im wasserpark mega schnell vergange. müed simmer denn hei gfahre und sind unterwegs na is hawkercentre/foodcourt goge esse. müed simmer hei choo und zimlich glii denn alli is bett glege und iigschlaffe.
