Die lutschte zwei Wuche händ all ussert d Andreina dihei Schuel gha. D Begründig isch gsi, dass sich nöd meh Chind (wo nöd gimpft sind) astecked und dänn evtl. nöd ad Abschlussprüefig vo de öffentliche Schuele chönd.
Da bi de Schuel vo euse Chind hät das so usgseh: Am Morgen am 9i händ sie sich für 30min im Zoom mit de Lehrer treffe und händ dä erscht Input zu emeritierten Fach übercho. Nachher händs uf eme spezielle App (Toddle) Ufgabe zum mache gha. Dänn 30min Znünipause. Und dänn das ganze Spiel wieder vor vorne – eifach ohne Pause. Zeichne, Musig, Turne, Chinesisch händs es Video übercho, was händ chöne mitmache. Am viertel ab 12i isch 3/4 Stund Mittagspause agseit gsi. Und nach em Mittag meistens für de Lau und d Gry frei spiele oder e Aktivität auswähle. Und am Schluss vo 14.45 – 15.15 no vorläse oder Spieli oder so.
Für d Malin isch de “Gspass” öppe gleich gsi, eifach ohne Spieli und Zmittag erscht 13.30.
Die zwei Wuche sind für all rächt sträng gsi. So lang vor em iPad ruhig sitze. Au wenn sich d Lehrerinnen Mühe gä händ zum Abwächslig dri z bringe. Uf al Fäll sind all froh um die 10 Tag Frei und das es nach de Ferie wieder mit normalem Unterricht wiitergaht. (Mir Drucker eus Dümme, dass nöd no öpper uf e anderi Idee chunt ;-))
