Namal en park, namal im norde. Damal aber meh natur und wäniger spiele (was euse teenie au pauselos hät möse kommentiere):
Di einti warnigstafle bim Visitor Centre hät dänn aber scho e chli für verunsicherig gsorget, und im erschte eggli händ d chind au ihre erschti singaporesischi schlange gseh. Nach emene churze spazier zum Fantail Pod hämmer dänn au tatsächlich krokodil und fischotter (samt fisch) gseh.
Mer sind dänn em see nah zum Eagle Point gseh (adler hämmer aber keini gseh, nume fisch wo gumped). Leider isch de räschte vom trail em uufer nah na gschperrt wäge renovatione, drum simmer dänn dur de wald zrugg zum bus (womer grad verpasst händ). Dank däm hän d’chind dänn nümm möse in zweite teil vom park bim Wetland Centre sondern händ törfe hei und in pool gah. Aber: Aufgeschoben ist nicht aufgehoben…