Euse ersti iitrag sit langem… mer gelobed besserig!
Di 3 letschte mohikaner, sprich dMalin, dAndreina und ich sind hüt wieder emal en uusflug go mache. Is grüene, wäg vode stadt so guet wies halt gaht inere grossstadt.
Quer über d insle in nordöstichste zipfel simmer gfahre. Wommer usem grab use gstige sind hemmer grad als ersts ufs meer gseh. Mer sind uf en chliine pier use gloffe, links und rechts hets sandstrand und visavis isch malaysia. Wenn s wasser nid so dreckig weri chöntis fast koh samui sii.
Mer sind denn drüü velo goge miete und sind in östlicher richtig am wasser entlang gfahre. Nach knapp 500 meter ischer über en damm uf coney island ghange. Das isch es inseli wo öppe drüü kilometer lang und ein kilometer breit isch. Bewachse isch sie vomene gmisch us dänisch französische bäüm und weg und singapurischem gschtrüpp. Mer fühlt sich also fast wie im uurwald.
Immer wieder chammer an strand abe und chenti au guet e chlii verwiile. Mir hend aber nume flüügends picknick gmacht. Über de östlich uusgang hemmer coney island wieder verlah und sind denn amene (stehende) fluss entlang wieder zum start punkt gfahre.
Nebeme wc bim iigang hets en riese pool gah mit rote schräge wänd und i dem teich hetts tuusig schildchrote gah. So vill das w paar uf de wand gsesse sind und ufeme stei sind ca. 4 ufenand glege. Es riise schildchrote fest hend die dete gah.
Wills wetter denn schlecht gworde isch hemmer en churze zmittag picknick gmacht, hend d velo zrugg geh und sind jetzt mit de MRT ufem heiweg.