Eso wie’s jetzt grad uusgseht sötti alles grad öppe uufgah: Es schiff mit eusem gepäck isch irgendwo zwüsched Sri Lanka und Singapur.
Und sötti am morge vom 9. august da aacho. Somit sötti d zügelfirma es züüg na vor em wuchenänd id wohnig bringe sodass wir dänn wämmer am sunntig 15. us de quarantäne törfed scho sötted alles dihei ha – das wär natürlich super!
Dänn hämmer na ei wuche ziit zum es nötige mit em luschtige kombiniere: Wohnig iirichte, usländer-uuswis organisiere, schuel-uniforme chaufe, suschtigs schuelmaterial chaufe, de wäg id schuel finde, usefinde wie dass mer am beschte mit de ÖV reist, an strand gah, goge shoppe und natürlich euse pool gnüsse. Eigentlich scho fascht chli stressig ;-).