Das isch also na cool gmacht: Mer chan sich binere WhatsApp gruppe amälde, und dänn chunnt me jede tag di wichtischte infos über, z.B. de impfstatus: Übrigens, mer törfed morn morge am halbi 9ni goge euse corona-test mache: Wänn dä negativ isch, dänn simmer am sunntig frei! Für das mönds eus zumene testzentrum fahre wo …
Am vergangene mäntig isch Singapur 56 jahr alt worde – vorher isches en teil vo Malaysia gsii. Siehe au Wikipedia. Wäge Covid isch aber es füürwerk uf de 21. august verschobe worde (was au guet isch, well dänn simmer dusse!). Immerhin hämmer chli plane- und helispotting chöne mache:
Ab jetzt besserets – mir händ quarantänehalbziit! Das hämmer natürlich möse fiire, mit emene familieznacht (wänn au nume virtuell über FaceTime) und Pizza & McDonalds! Mer merked aber langsam scho dases afangt nerve – d chind sind eifach nöd defür gmacht zum immer nume umesitze und d’grätli sind halt nume beschränkt luschtig. Mer hoffed jetzt, …
Eso wie’s jetzt grad uusgseht sötti alles grad öppe uufgah: Es schiff mit eusem gepäck isch irgendwo zwüsched Sri Lanka und Singapur. Und sötti am morge vom 9. august da aacho. Somit sötti d zügelfirma es züüg na vor em wuchenänd id wohnig bringe sodass wir dänn wämmer am sunntig 15. us de quarantäne törfed …
Mir händ eus chöne en suite upgrade sichere und händ jetzt zwei junior suites mit je zwei zimmer (schlafzimmer & stube). D’Simi isch mit de Gry und eim Lau ide einte suite, d’Malin, d’Andreina und ich sind ide andere. Grad vor de türe händs es tischli anegschtellt, det tönds eus es ässe anelegge & chlopfe. …
So – di erschte hürde sind gschafft! Mer händ am friitig all en negative test gmacht (susch hettemer ja gar nöd törfe flüge) und sind dänn am samschtig mit liechtem gepäck an flughafe. Det isches gar nöd esooo leer gsii wiemer erwartet händ, aber am check-in vo de Singapore Airlines isch fascht niemerd underwägs gsii. …
Nach langem zittere und hin & her isches jetzt tatsächlich sowiit – mir flüüged uf Singapur! Los gahts scho bald, nämli am 31. July 2021! Als erschts törfedmer dänn grad für zwei wuche id quarantäne – mir würed dänn im Holiday Inn Atrium iiquartiert. Nachher gahts dänn richtig los und mer chönd Singapur eso richtig …